18.06.2010

Biera Engiadinaisa al Bio Marché a Zofingen

Gran Alpin preschainta e venda la BE BIERA ENGIADINAISA® e’l BOC DUBEL DA TSCHLIN sün sia plazza da marchà F 150 sco prodots dad üerdi grischunais per far biera, implits giò in butiglias da 33-cl, lapro magöls da BE e’ls vierchels da BE chi sun dafata gratuits. Displschaivelmaing esa per nossa BIERA DA STÀ, üna biera ligera cun üna presa da melissa d’or, amo ün di massa bod. A partir dals 21 gün tilla as poja retrar frais-ch imbutigliada.

Gran Alpin es l’associaziun da paurs grischunais chi prodüan granezza e chi semnan grans nouvs e vegls darcheu in regiuns da las Alps. In Engiadina Bassa e Val Müstair creschan ca. 20 tonnas üerdi, sün ün’otezza da passa 1000 m sur mar. Quai es precis il quantum da malt per far biera Gran Alpin cha la Bieraria Tschlin SA douvra in ün on.