Perspectiva 2009/2010

La fasa da settember 2008 fin mai 2009 es statta suot l’idea directiva

• Biera da Tschlin vain da Tschlin.

e

• Nus fain uorden in nos affar.
  

Plü bain dit: Nus sgürain la prontezza da furnir cun l’infrastructura existenta. Quai ans es reuschi. Pel 2009 e 2010 ans mettaina la seguainta idea directiva:

Svilup in purziuns survisiblas. Quai voul dir aint il temp dad hoz:

1. La crisa economica – quia in Engiadina probabelmaing üna cirsa dal turissem – nun es ingün motiv da plondscher, dimpersè ans metta davant la lezcha da planisar mincha pass cun gronda precauziun.
2. Sgürar la bariera dal guadogn.
3. Nus stuvain augmentar la dumonda sül marchà activmaing. Il marchà ans disch, quant gronda cha la fabrica sto esser.

Perspectiva 2010 / 2011

I vala amo adüna "svilup in purziuns survisiblas". Quai voul dir:

1. ragiundscher e sgürar il glim dal guadogn ordinari
2. Elavurar activmaing il marchà. La cooperaziun cun Cafè Badilatti reguard cultivar il contact culs cliaints in Grischun dal Süd muossa a partir dal mais mai 2010 prüms resultats chi paran plains d'aspettativas.
3. Augmentar l'attractività dals sortimaints, p. ex. cun bieras stagiunalas sco per ex. la biera da stà 2010 o la biera dals chatschaders 2010 ma eir prolungar il temp da conservar la biera.
4. Innovaziun reguard ils indrizs da producziun, surtuot quai chi's tratta da lavar giò ed implir las butiglias.

Per tuot las quatter direcziuns d'acziun vegnan elavurats plans concrets e pussibiltats da finanziaziun.