Visitas

Nos bierer muossa fich jent a nos giasts – a da quels chi sun o lessan gnir amaturs ed admiraturs da la Biera Engiadinaisa® - la bieraria a Tschlin. Per gruppas da ca 7 fin 20 persunas düra quai ca. üna mezz’ura. Natüralmaing tocca pro eir l’insajar la biera e tuot insembel cuosta fr. 10.—per persuna.

Minch’eivna daja üna guida publica, annunzchas sun da drizzar a l’uniun da turissem «Engadin Scuol»: www.scuol.ch.

Gruppas plü grondas e da quellas chi lessan gnir ad oters uraris fan il bain da s’annunzchar pro temp – scha pussibel fingià eivnas avant – pro nos büro be@bieraria.ch.
Milena Horber s’occupa lura da Voss’annunzcha.

Ils termins ston gnir coordinats bain, perquai cha la prüma lezcha dal bierer es quella da far la biera, dad observar il process da madüranza, d’implir giò la biera e d’etikettar (organisar e survigilar) e da pisserar chi vegna furni punctualmaing.