Fuorma giuridica ed organisaziun

Die Bieraria Tschlin ist eine Aktiengesellschaft nach Schweizer Obligationenrecht. Etwa 1000 Aktionärinnen (40 % !) und Aktionäre haben knapp 1 Mio Fr Aktienkapital gezeichnet. Das heisst, die breitgestreuten Anteilseigner mit häufig nur einer 500-Fr-Aktie sind Einheimische und treue Engadiner Gäste, also «Liebhaber» dieses Biers und der «Tschliner Bieridee».

Der augenblickliche Verwaltungsrat besteht aus vier gewählten Personen und einem Delegierten des Tschliner Gemeindevorstands:

La bieraria da Tschlin es üna società anonima tenor il dret d’obligaziuns svizer. Circa 1000 acziunarias (40%!) ed acziunaris han segnà ün chapital d’aczias da raduond 1 milliun francs. Quai voul dir cha’ls acziunaris, chi sun sparpagliats dapertuot intuorn e chi sun per gronda part partecipats cun ün’aczia da frs. 500.—, sun indigens, obain giasts fidels da l’Engiadina, per uschè dir «amaturs» da quista biera e da «l’idea strana dals da Tschlin».

Il cussgal adminisrativ 2010/2011 as cumpuona da quatter persunas chi sun gnüdas elettas e dad ün delegià da la suprastanza cumünala da Tschlin:

• Berthold Ketterer, dr.rer.nat., dipl.phys., plü bod cussgliader dad interpraisas da Zumikon ZH, cun abitaziun ad Ardez, Engiadina Bassa, president dal cussagl administrativ
• Clà Duri Janett, impressari forestal da Tschlin. El es «commenbra dal cussagl administrativ al lö» e s’occupa surtuot dal persunal.
• Michael Martig, lavura ill'instanza sociala da Basilea cità, ed es nos «minister da finanzas».
• Fritz Züger, indschegner d’imballascha e da logistica e paur per hobi. El s’occupa da la prodcziun e da la logistica.
• Mario Camozzi, il delegà dal cumün, magister secundar a Strada, üna fracziun da Tschlin

Il cussagl administrativ lavura gratuitamaing e funcziuna güst’eir sco direcziun da l’affar. Il bierer Florian Geyer es impiegà cun ün pensum plain. El deriva da la Germania, ha imprais seis manster in Bavaria e serrà giò cul examen da maister; el es rivà dal 2005 a Tschlin sco bierer. Insembel cun sia duonna e seis duos uffants abita el ill’abitaziun da la bieraria. Ad el pudaina ingrazchar l’ota qualità constanta da la biera.

Da Tschlin derivan eir las persunas chi sun occupadas in temp parzial: duonnas chi infilan cun indschign las etikettas vi dal fermagl davo tillas avair buolladas culla data da scadenza, divers homens chi lavan las butiglias, tillas implischan e tillas transportan, e nossa contabla. Tuot in tuot sun quai 250 pertschient da plazzas da lavur. Ün designer chi abita a Tschlin ed a Turich s’occupa da la recloma. Mansterans indigens han pudü far las lavurs d’ingrondimaint da la bieraria.

La Bieraria Tschlin SA accumplischa sia incumbenza da plazzas da lavur i’l rom da sias pussibiltats.