La bavronda e las ingredienzas

Üna biera stagiunada, na filtrada in üna butiglia da 33-cl ed üna da 50-cl cun serradüra a levagl. La biera vain prodütta daspö il 2004 a Tschlin e quai cun üna qualità constanta, ella vain fatta exclusivamaing our da malt «Granalpin», our dad offa biologica svizra, our dad alvamaint zertificà biologic ed our dad aua da funtana genuina da Tschlin.

Cun quistas ingredienzas das-cha BE Biera Engiadinaisa® portar il buorf da bio «Bio-Knospe», schi, dafatta il buorf da bio svizer. Dimena as poja tilla resguardar sco la biera biologica svizra

La biera s’ha etablida in Engiadina Bassa ed in Engiadin’Ota sco la biera indigena, la «Biera Engiadinaisa» o la biera da Tschlin.

Adattà a la stagiun prodüaina bieras specialas:

• Stà 2007 – üna «Biera da zens», alch bod per ün desert
• Stà 2008 – üna biera da furmaint e melissa
• Inviern 2008/09 – «Boc Dubel da Tschlin», üna biera s-chüra, ferma, cun meil da Tschlin
• Inviern 2009/10 – plü o main il listess Boc dubel da Tschlin in üna quantità plü gronda e cun 8% alcohol
• Stà 2010 – la "Biera da stà", üna biera ligera fatta our da malt Gran Alpin cun ün zichin daplü offa e cun üna presa melissa d'or d'Engiadina Bassa.
• Utuon 2010 – la "Biera dals chatschaders", da retrar a partir dals 15 avuost 2010, per pudair furnir biera avuonda in tuot las chamonnas da chatscha (per tuot ils na grischunais: i cumainza la chatsch'ota).
• Dal 2011 daja il Boc dubel da Tschlin, voul dir i's po cumprar tal fingià a partir dals 1-12-2010. Biera da stà as survegna a partir dals 1-6-2011 e Biera da chatschaders a partir dals 15-8-2011.

Quistas bieras specialas daja illa butiglia pitschna blaua da 33 cl culla serradüra a levagl.